Wednesday, 31 July 2019

પ્રથમ ચાંદ મિશનને થયા ૫૦ વર્ષ પૂર્ણ

 ચાંદ પર અમેરિકન મિશન અપોલો-૧૧ને ૫૦ વર્ષ પૂર્ણ થવા પર ગૂગલે ડૂડલ બનાવ્યું હતું. આ ડૂડલમાં ગૂગલે એક એસ્ટ્રોનોટને ચાંદ પર ઉતરતા દેખાડ્યો હતો. આ સાથે જ ડૂડલ પર એક પ્લેનું બટન હતું, જેના પર ક્લિક કરતાં આ વિડીયો દ્વારા પૂરો ઘટનાક્રમ જાણી શકાતો હતો. ૧૬ જુલાઇ ૧૯૬૯ના લોન્ચ થયેલું અપોલો ૧૧ ચાંદ માટેનું એક અમેરિકન મિશન હતું.
આ મિશનનું પ્લાન બે લોકોને ચંદ્રની સપાટી પર લાવવા અને તેમને સુરક્ષિત રૂપથી પૃથ્વી પર લઈ આવવાનું હતું. ૧૬ જુલાઇ ૧૯૬૯ના સવારે ૮:૩૦ વાગ્યે આ મિશન લોન્ચ કરવામાં આવ્યું હતું. આ મિશન અંતર્ગત મિશન કમાન્ડર Neil Armstrong, Edwin “Buzz” Aldrin અને Michael Collinsના ચાલક દળને મૂકવામાં આવ્યા હતા, જે સફળતા પૂર્વક પરત ફર્યા હતા.
ચંદ્રમાની સપાટી પર સુરક્ષિત રૂપથી ઉતર્યા બાદ નીલ આર્મસ્ટ્રોંગે પહેલી વાર અંતરિક્ષ યાનથી બહાર કદમ રાખ્યું, જે ચાંદની સપાટી પર ઉતરનાર પ્રથમ વ્યક્તિ હતા.
નાસાએ પણ આ દિવસને યાદ રાખવા આ અભિયાનનો વીડિયો શેર કર્યો હતો. અપોલો-૧૧ મિશનમાં દુનિયાભારના ૪૦,૦૦૦ લોકોએ પોતાની ભૂમિકા નિભાવી હતી. જેમાં સાઇન્ટિસ્ટ, મજૂર, એંજિનિયર જેવા કેટલાય સેક્ટરના લોકો સામેલ હતા.

No comments:

Post a Comment