Wednesday, 29 May 2019

પાવર, એન્જિન અને સ્પેસ રોકેટ્સ

વર્ષો સુધી માનવી, પ્રાણીઓ, જળ અને પવનની શક્તિ જ કામ કરતી. અલબત્ત, વરાળયંત્રની શોધ આ બધી શક્તિ સામે પડકાર બની ગઈ. ઈઓલીપાઈલ એ સૌપ્રથમ વરાળનું સાધન હતું. એલેક્ઝન્ડ્રિયાના હેરોએ એની શોધ કરી. જોકે હીરો તો એનો ઉપયોગ રમકડાં માટે કરતાં હતા. સમયાંતરે અનેક વિજ્ઞાનીઓએ વરાળયંત્રમાં ખૂબ વિકાસકાર્ય કર્યું. સ્કોટિશ શોધક જેમ્સ વોટનો આ વરાળયંત્ર તૈયાર કરવામાં પાયાનો ફાળો હતો. 


વરાળયંત્રથી પરિવહનને બળ મળ્યું. ફેક્ટરીની એક નવી જ કલ્પના અસ્તિત્વમાં આવી, જ્યાં અનેક માણસો મશીન પર એકસાથે કામ કરી શકે. વધુ વિકાસ સાથે વીજળી તેમજ પેટ્રોલ-ડીઝલથી ચાલતાં એન્જિનની શોધ થઈ. અગાઉ મનુષ્ય જે કાર્ય કરતો એવાં અસંખ્ય કાર્યો માટે મશીનનો ઉપયોગ શરૂ થયો. વર્ષ ૧૯૫૭માં રશિયન વિજ્ઞાનીઓએ અવકાશયાત્રાનો માર્ગ ચીંધ્યા પછી પાછું વળીને જોવાનો પ્રશ્ન જ નથી રહ્યો. 

વર્ષ ૧૯૨૬માં રોબર્ટ ગોડાર્ડ રોકેટને ધકેલવાની શક્તિની રજૂઆત કરી. આજે વિજ્ઞાનીઓ અત્યંત શક્તિશાળી રોકેટ બાનવવામાં વ્યસ્ત છે. 

કમ્પ્યુટરની મદદથી વૈજ્ઞાનિકો અવકાશયાનને નિયંત્રણમાં રાખી શકે છે અને પૃથ્વીથી હજારો કિલોમીટર દૂર પ્રયોગો કરે છે. આના વડે તેમને અવકાશ અંગે નવું જ્ઞાન પ્રાપ્ત કરવામાં સહાય મળી છે.

No comments:

Post a Comment