Friday, 17 May 2019

એક જ સ્થિતિમાં લાંબો સમય બેસી રહેવાથી ખાલી કેમ ચડે છે ?


એક જ સ્થિતિમાં લાંબો સમય બેસી રહેવાથી હાથપગમાં ખાલી ચઢી જાય અને ઝણઝણાટીનો અનુભવ થાય છે. લાંબા પ્રવાસમાં વાહનમાં બેસી રહેવાથી આવો અનુભવ ઘણાને થતો હશે.

આ જાણીતી વાત છે. શરીરના અંગોને હલનચલન કરવા મગજ આદેશ આપે છે. મગજના આ સંદેશ વિદ્યુત રસાયણોની આવજાવથી થાય છે. ચેતાતંત્રમાં સોડિયમ અને પોટેશિયમ નામના રસાયણો કામ કરે છે. આ રસાયણે લોહી સાથે શરીરમાં ફરતાં હોય છે. અને જરૂર પડે ત્યારે ઉપયોગી થાય છે. એક જ સ્થિતિમાં બેસી રહેવાથી સાંધામાં લોહીનો પ્રવાહ રૂધાય છે અને રસાયણોની માત્રા ઘટે છે. અને ખાલી ચડી જાય છે. જ્ઞાનતંતુઓમાં ઝણઝણાટી થાય છે. થોડા હલનચલન પછી લોહીનો પ્રવાહ યથાવત થઈ જતાં ખાલી ઉતરી જાય છે.

એક જ સ્થિતિમાં બેસી રહેવાથી સાંધામાં લોહીનો પ્રવાહ રૂંધાય છે અને રસાયણોની માત્રા ઘટે છે. અને ખાલી ચડી જાય છે.

No comments:

Post a Comment