Wednesday, 24 October 2018

ટ્રુકોલર ઉપયોગી કે જોખમી?

જો તમારા સ્માર્ટફોનમાં આ એપ છે તો તમે ભારતનાં ૩૫ કરોડથી વધુ લોકોમાના એક છો. આ એપ ભારત એટલી પોપ્યુલર છે કે આખી દુનિયામાં આ એપનાં યુઝર્સમાંથી અડધોઅડધ લગભગ ભારતમાં જ છે!!! સૌથી વધુ ડાઉનલોડ થતી એપ્સની રેસમાં ટ્રુકોલર ફેસબુકને પણ પાછળ રાખી દીધી છે.


જો તમને ટ્રુકોલર વિશે ખ્યાલ ન હોય તો જાણી લો કે આ એપને આખી દુનિયાની ક્રાઉડસોર્સડ ટેલિફોન ડીરેક્ટરી ગણી શકીએ. આ એપના દાવા અનુસાર પૂરી દુનિયાની ટેલિફોન ડીરેક્ટરીઝ, સોશિયલ નેટવર્ક્સ અને ટ્રુકોલર કમ્યુનિટી પાસેથી તેણે આખી દુનિયાના લોકોની સંપર્ક માહિતીનો વિરાટ ડેટાબેઝ તૈયાર કર્યો છે. વિરાટ એટલે કેટલો? તો જાણી લો જવાબ: ૩ અબજ લોકો!!!

અસંખ્ય લોકોના મતે, આ એપ તમને ખુબ ઉપયોગી નીવડે છે કારણ કે તેમના પર અજાણ્યા લોકોનો ફોન આવે ત્યારે તેઓ એ વ્યક્તિનું નામ પોતાની એડ્રેસ બુકમાં ન હોય તો પણ જાણી શકે છે. આ ઉપરાંત, તમને જુદી જુદી માર્કેટિંગ કંપનીઝ તરફથી વણજોઈતા-સ્પામ-કોલ્સ આવતા હોય તો તમે તેને સ્પામ તરીકે રિપોર્ટ કરી શકો છો.

જુદા જુદા અનેક લોકો આવા નંબર્સને સ્પામ તરીકે રિપોર્ટ કરે એટલે છેવટે, આપણા પણ એ જ નંબર પરથી ફોન આવે ત્યારે એપ આપણને જાણ કરે છે કે આ નંબરને આટલા લોકોએ સ્પામ તરીકે રિપોર્ટ કરે છે. અને આપણે કોલનો જવાબ ન આપીને આપણો સમય બચાવી શકીએ છીએ.

એનાથી વિરુદ્ધ, ટ્રુકોલર 'આપણી જાણ બહાર' આપણો નંબર જાણી લેતી હોવાના મુદ્દે તેની સામે વારંવાર હોબાળો પણ ઉભો થતો રહે છે. આપણે આ બંને પાસામાંથી હકીકત શું છે એ જાણીએ.

No comments:

Post a Comment