Monday, 15 October 2018

પૃથ્વીને ઋતુઓની પ્રાપ્તિ કઈ રીતે થાય છે?

આપણા દેશની મુખ્ય ત્રણ ઋતુઓ છે. શિયાળો, ઉનાળો અને ચોમાસું. આ સિવાય પણ જો તેમને પેટાઋતુમાં વહેંચવી હોય તો ૬ વિભાગમાં વહેચી શકાય. હેમંત, શિશિર, વસંત, ગ્રીષ્મ, વર્ષા અને શરદ. 
 
 
હેમંત ઋતુ એટલે કારતક અને માગશર માસ. આ ઋતુમાં ગુલાબી ઠંડીની શરૂઆત થાય છે. ત્યારબાદ પછીનાં બે માસ શિશિર ઋતુ આવે છે; જેમાં કડકડતી ઠંડી પડે છે અને તાપણા તાપવા પડે છે. ફાગણ અને ચૈત્ર માસમાં વસંતઋતુ હોય છે. આ માસમાં વૃક્ષોને ફૂલ ફૂટે, મંજરી મહેકે. અને કેસુડાંના વનમાં તો ડાળીએ ડાળીએ બસ કેસુડાં જ કેસુડાં.

હવે આ પછીનાં બે માસ વૈશાખ અને જેઠ આવે છે; આ બે માસમાં ગ્રીષ્મઋતુ હોય છે; જેમાં ગરમીઓનો ત્રાહિમામ હોય છે. પરંતુ આ માસમાં કેરી ખાવાની ખૂબ જ મજા પડે છે!!! અને આ પછીનાં બે માસ એટલે વર્ષાઋતુ. અને છેલ્લા બે માસમાં શરદઋતુ આવે છે; જેમાં પ્રકૃતિઓનું સૌંદર્ય નિખરે છે. શરદપૂનમની રાતે તો દૂધ-પૌંઆની તો મજા જ કંઈક ઔર છે.

પરંતુ શું તમે જાણો છો કે પૃથ્વીને ઋતુઓની પ્રાપ્તિ કઈ રીતે થાય છે? જો ના, તો આ આર્ટિકલને સંપૂર્ણ વાંચો.
"આપણી પૃથ્વી હમેશાં એક જ તરફ નમેલી રહેતી હોવાથી આપણને જુદી-જુદી ઋતુઓની પ્રાપ્તિ થાય છે. આથી પૃથ્વી સૂર્ય તરફ નમેલી હોય ત્યારે ઉત્તર ધ્રુવ સૂર્ય તરફ નમેલો હોય છે. તેનાથી વિરુદ્ધની પરિસ્થિતિમાં શિયાળો હોય છે. દક્ષિણમાં ઋતુઓ આનાથી ઉંધી હોય છે."

No comments:

Post a Comment