Tuesday, 11 September 2018

છોડવાઓ વાવવા માટે નારિયેળનાં શેલનો ઉપયોગ, પ્લાસ્ટિક-ફ્રી શહેરની દિશામાં એક કદમ!!!


ગુજરાતનાં વડોદરાનાં નાના ઉદેપુર જિલ્લામાં વન વિભાગે એક નવી પહેલ શરૂ કરી છે. આ પહેલનો ઉદેશ્ય પ્લાસ્ટિકનો ઉપયોગ બંધ કરવાનો અને શહેરમાં એકત્રિત થયેલ કચરાનું મેનેજમેન્ટ કરવાનો છે.

હકીકતમાં, અત્યાર સુધી વન વિભાગ બીજથી નાના છોડને ઉગાડવા માટે ઓછી માઈક્રોનવાળી પ્લાસ્ટિક બેગ વાપરતી હતી; પરંતુ થોડાક સમય પહેલા જ તેમણે આ માટે નારિયેળનાં શેલનો ઉપયોગ કરવાનું શરૂ કર્યું હતું. આ સુઝાવ નાના ઉદેપુરનાં જિલ્લા અધિકારી સુજલ મયાત્રા એ આપ્યો હતો. 
 

સુજલે ટાઈમ્સ ઓફ ઇન્ડિયાને બતાવ્યું કે "નર્સરી ભલે અમારું કામ નથી, પરંતુ અમારા સ્વચ્છતા અભિયાન દરમિયાન ઘણા જ નારિયેળ શેલ એકઠા થયા હતા. તેમાં મારા દિમાગમાં આ ખ્યાલ આવ્યો અને મે આ સુઝાવ આપ્યો. આનાથી છોડવાઓ લગાવવાની સાથોસાથ કચરાના મેનેજમેન્ટમાં પણ આસાની થશે અને અમે અમારા નાના ઉદેપુર જિલ્લાને પ્લાસ્ટિક ફ્રી બનાવી શકીશું."

શરૂઆતમાં વન-વિભાગે નીલગીરી, તુલસી અને અન્ય સાત જાતનાં 1500 વૃક્ષ નારિયેળનાં શેલમાં ઉગાડ્યા. વન વિભાગનાં ડેપ્ટી કંજર્વેટર, એસ. કે. પવારે જણાવ્યું કે "આ ખોલને નીચેથી કાપી દેવામાં આવે છે, જેથી વૃક્ષને નારિયેળ-શેલની સાથે જ જમીનમાં લગાવી શકાય. મુળિયાઓ વધવા માટે પૂરી જગ્યાઓ હોય છે અને આ સિવાય નારિયેળની શેલ બાયોડીગ્રેડેબલે હોય છે, તો વૃક્ષને કોઈ નુકસાન પણ નથી થતું." 
 

વનવિભાગ હજુ પણ અલગ અલગ પ્રજાતિનાં વૃક્ષો આ રીતે ઉગાડવાનું વિચારી રહી છે; જેથી પ્લાસ્ટિકનો ઉપયોગ ખત્મ કરી શકાય. તો હવે બીજી વાર તમે પણ જયારે નારિયેળ પાણી પીવો તો તેમની શેલ ફેકવાની જગ્યાએ ઘરમાં લાવીને તેમાં કોઈ સારો છોડ લગાવી દેજો. બાદમાં તમે આ છોડ કોઈ બગીચામાં લગાવી શકો છો અથવા તો કોઈ દોસ્ત કે રિશ્તેદારને ભેંટમાં આપી શકો છો.