Saturday, 29 December 2018

ડોલ્સ મ્યુઝિયમમાં ૧૬૦૦ ઢીંગલીઓનું અદભૂત કલેક્શન

ગલીઓનું મ્યુઝિયમડોલ્સ મ્યુઝિયમ.. સાંભળતાં જ એક પરીકથા જેવું લાગે. રાજકોટમાં યાજ્ઞિક રોડ પર આવેલ આંતરરાષ્ટ્રીય રોટરી ડોલ્સ મ્યુઝિયમ એક અનોખી સ્વપ્નનગરી કહેવાય છે. 
 
આ ડોલ્સ મ્યુઝિયમમાં લગભગ ૧૬૦૦ જેટલી અલગ-અલગ પ્રકારની ઢીંગલીઓને રાખવામાં આવી છે; જે અલગ-અલગ દેશની છે. અહીં કોઈપણ ઢીંગલીને ખરીદવામાં આવી નથી બલકે ગીફટ કરવામાં આવી છે. આ ઢીંગલીઓની સજાવટ એ રીતે કરવામાં આવી છે કે તેને જોઈને લોકો મંત્રમુગ્ધ થઈ જાય છે.

અહીં જે પણ ઢીંગલીએ રાખવામાં આવી છે એ બધી ઢીંગલીઓ સામાન્યલોકો દ્વારા અમુક, કરન્સી નોટમાંથી, વુડમાંથી, કાપડમાંથી, વાંસમાંથી, પ્લાસ્ટીકમાંથી વગેરે જેવા મટીરીયલમાંથી બનાવવામાં આવી છે. જેની કદાચ આપણે કલ્પના પણ ન કરી શકીએ. આ બધી ઢીંગલીઓ પાછળ અરિસો મુકવામાં આવ્યો છે; જેની total D effect સૌ કોઈની નજરે પડે છે અને દરેક ડોલ જીવંત લાગે છે. ઉપરાંત દરેક ઢીંગલીઓના કબાયમાં તેના, દેશનો તિરંગો રાખવામાં આવ્યો છે અને દરેક દેશની વિશિષ્ટતાને અનોખી રીતે દર્શાવવામાં આવી છે, જેની જે તે દેશની વિશિષ્ટતાનો ખ્યાલ આવે છે.


આ મ્યુઝિયમની ખાસ વિશેષતા એ છે કે અહીં જેટલી પણ ડોલ્સ ગીફટ કરવામાં આવી છે તેનો પોતાનો આગવો ઈતિહાસ છે. અહીં રાખવામાં આવેલી અમુક ડોલ્સ તો ૧૦૦ વર્ષી પણ વધુ જુનો ઈતિહાસ ધરાવે છે. તમામ ડોલ્સને મ્યુઝિયમના પોતાના ઈન્ટીરીયલ દ્વારા અનોખી રીતે સજાવવામાં આવી છે. અમુક ડોલ ઘણી રમીયાળ તો અમુક ડોલનું પોતાનું અલગ રૂપ-રંગ છે. આ પ્રકારનું મ્યુઝિયમ વિશ્વનું પહેલું મ્યુઝિયમ છે; જેને લિમ્કા બુક ઓફ રેકોર્ડમાં સ્થાન આપવામાં આવ્યું છે. આજે વિશ્વ વિખ્યાત ડોલ્સ મ્યુઝિયમ ૯૦૦૦ ચોરસ ફૂટમાં બનેલું છે. જેમાં ૧૦૮થી પણ વધુ દેશની ઢીંગલીઓ રાખવામાં આવી છે.
આ મ્યુઝિયમ કોઈ ગર્વમેન્ટએ બનાવેલું નહિ પરંતુ સામાન્ય માણસો દ્વારા બનાવવામાં આવ્યું છે. આ મ્યુઝિયમની સ્થાપના તા. ર4 જુલાઇ, ર004ના રોજ કરવામાં આવી હતી. જેનું વિધિવત્ ઉદ્ઘાટન ભારતના ભૂ.પૂ. ગૃહમંત્રી લાલકૃષ્ણ અડવાણીના વરદ્હસ્તે કરવામાં આવેલ.
આટલું અદ્ભુત ડોલ્સ મ્યુઝિયમ જોઇને, એના વિશે જાણીને બધાને આ વિચાર આવે એ સહજ છે કે આવું મ્યુઝિયમ બનાવવાનો વિચાર કોને આવ્યો? આ મ્યુઝિયમ પાછળનો ઇતિહાસ શું?.. તો ડોલ્સ મ્યુઝિયમ બનાવવાનો આ વિચાર રાજકોટમાં રહેતા દીપક અગ્રવાલને આવ્યો હતો. તો આવો જાણીએ તેની વિગતે વાત..
દીપક અગ્રવાલ વરસો પહેલાં તેમના ફેમિલી સાથે ચારધામની જાત્રાએ ગયેલા. એ સમયે તેમણે પોતાની દીકરીને કહ્યું કે, ‘બેટા, દિલ્હી તને ઢીંગલીઓનું મ્યુઝિયમ જોવા માટે લઇ જઇશ.દીકરી એકદમ ખુશ થઇ ગઇ કે વાહ આ તો એકસાથે કેટલી બધી ઢીંગલીઓ જોવા મળશે. પરંતુ બીજે બધે ફરીને દીપક અગ્રવાલ ફેમિલી સાથે દિલ્હી પહોંચ્યા ત્યારે તે દિવસે સોમવાર હોવાના કારણે દિલ્હીનું ડોલ્સ મ્યુઝિયમ બંધ હતું. માત્ર ચાર વર્ષની વય ધરાવતી દીપકભાઇની દીકરી એકદમ નારાજ થઇ ગઇ અને કહે, ‘પપ્પા, તમે મ્યુઝિયમ બતાવવાનું ખોટું કહેલું. આ મ્યુઝિયમ તો બંધ છે!એટલે એ સમયે દીપકભાઇએ પોતાની દીકરીને કહ્યું કે, ‘બેટા, પપ્પા કદી ખોટું ન બોલે! પણ ચાલ આપણે રાજકોટમાં ઢીંગલીઓનું મ્યુઝિયમ બનાવીશું.મિત્રો, દીપકભાઇ પોતાની વાત જણાવતાં કહે છે, ‘ત્યારે તો એ વાત આમ પૂરી થઇ ગઇ.

એકલા એકલા એન્ટાર્કટિકા પસાર કરવાનું સાહસ પાર પડશે?

સાહસ તો બધાએ કર્યા છે. કોઈકે એવરેસ્ટ સર કરવાનો વિક્રમ પોતાના નામે લખ્યો, તો કોઇકે અવકાશમાં જવાનો. હવે આવનારા સમયમાં એવું જ અનોખું સાહસ પોતાના નામે કરવા માટે અમેરિકન સાહસિક સજ્જ થઈ રહ્યો છે. એ અમેરિકન એટલે ૩૩ વર્ષીય કોલિન ઓ’બ્રાડી અને તેનું સાહસ એટલે એકલા એકલા એન્ટાર્કટિકા ખંડ ખૂંદી વળવું. આ પહેલાં પણ એન્ટાર્કટિકા એકલા એકલા ક્રોસ કરવાના સાહસ થઈ ચૂક્યા છે. પરંતુ સફ્ળ થયા નથી.

કોલિન નાનકડા વિમાન દ્વારા એન્ટાર્કટિકાના માઉન્ટ મરખામ ખાતે ઉતરશે અને ત્યાંથી એન્ટાર્કટિકાને પસાર કરવા માટે દડમજલ શરૂ કરશે અને એ સાહસ ૭૦ દિવસમાં પૂરું કરવા માટે તેણે નિર્ધાર કર્યો છે. ૭૦ દિવસમાં તે ૧૬૦૦ કિલોમીટરનું અંતર કાપશે. મતલબ કે દરરોજ ૨૩ કિલોમીટર તે કાપશે. 

ચારેબાજુ બરફ છવાયેલો હોય અને તાપમાન સતત શૂન્યની નીચે એટલે કે – ૨૮.૨ સેલ્સિયસ રહેતું હોય ત્યારે સમજી લો કે ચાલવાનું તો ઠીક ત્યાં ટકી જવાનું પણ કેટલું મુશ્કેલ બની રહે. કદાચ, તેથી જ એ સાહસ કોઈએ આજ સુધી પાર પાડયું નથી. કોલિન ભલે એકવીસમી સદીમાં એ સાહસ પાર પાડવા થનગની રહ્યો હોય, તેણે ઝીંક તો વિષમ હવામાન સાથે જ ઝીલવાની છે.


હા, તેનો અતો-પતો રહે એ માટે તેની પાસે ઇમરજન્સીમાં સંપર્ક કરવા માટે સેટેલાઇટ ફેન રહેશે, જીપીએસ ટ્રેકર, કેમેરા અને સોલર ચાર્જર જેવી નવીનતમ ટેકલોનોજી તેને સાથ આપશે. પરંતુ સુવા માટે તો સ્લિપિંગ બેગ જ હશે. હા, હાડ ગાળી દે એવી ઠંડી સામે ટકી જવા માટે ટેન્ટ તેને સુરક્ષા આપશે. વળી, તેણે આ તમામ સાધનો સાથે પોતાને ટકાવી રાખે એટલો આહાર પણ સાથે રાખવાનો છે. એ બધું મળીને તેણે ૧૮૦ કિલોગ્રામ વજન પણ વેંઢારવાનું રહેશે.

હા, તેણે ૭૦ દિવસના પ્રવાસ માટે શરીરને ટકાવવાની પણ મહત્ત્વની કામગીરી કરવાની રહેશે. ઠંડી સામે રક્ષણ મળે એવી સામગ્રી તો તેની પાસે રહેશે જ, એ ઉપરાંત શરીર પણ શીતાગારમાં ચાલવું જોઈએ, એ માટે તેને દરરોજ ૮૦૦૦ કેલરી ઊર્જા મળે એવી જોગવાઈ કરવી પડશે. એમ તો એટલી ઊર્જા મેળવવા માટે તો ખાઉધરાની જેમ ખાવું પડે. જો એટલું ખા ખા કરવું પડે તો તો સાથે અધધ વજન લઈ જવું પડે, તેથી જ ઓછા વજને વધુ ઊર્જા મળી રહે એવો આહાર તેણે સાથે લીધો છે. આહારનું વજન જ લગભગ ૯૫ કિલોગ્રામ થઈ જાય છે. આહારમાં એનર્જી બાર સાથે રાખશે. આ એક બાર ખાવાથી તેને ૧૨૫૦ કેલરી ઊર્જા આપશે. વળી સાથે બીજા આહાર તરીકે અવકાશયાત્રીઓ લઈ જાય એવા ડબ્બાપેક આહાર પણ લઈ જશે. ઓછા આહારે પણ વધુ શક્તિ મળે એવો એ આહાર હશે, સાથે જ એ પકાવવાની ઝંઝટ પણ નહીં. જો કે જેમ જેમ દિવસો વીતતા જશે, તેમ તેમ ૯૫ કિલો આહારમાંથી ઘટતો જશે એમ એમ કોલિને ઓછું વજન ખેંચવું પડશે, જે તેને માટે લાભકારી પણ બનતું રહશે.

માઉન્ટ મરખમ ખાતેથી કોલિન તેનું સાહસ શરૂ કરશે અને ત્યાંથી તે દક્ષિણ ધ્રુવ તરફ પ્રવાસ શરૂ કરશે અને ત્યાંથી તે પશ્ચિમ એન્ટાર્કટિકા ર્બિફ્લા પોપડા તરફ જશે. કોલન ઉપરાંત એક બ્રિટીશ સૈનિક કેપ્ટન લુઇસ રબડ પણ આવું જ સાહસ હાથ ધરી રહ્યો છે. તે ૨૦૧૬માં આવું નિષ્ફ્ળ સાહસ કરનારા મિત્ર લેફ્ટેનન્ટ કર્નલ હેન્રી વોર્સલેની યાદમાં મિશન હાથ ધરી રહ્યો છે.

Friday, 28 December 2018

પ્રિયા પૉલ : APEEJAY SURRENDRA HOTELS GROUP

હોટલ બિઝનેસની વાત આવે અને પ્રિયા પૉલના નામનો ઉલ્લેખ ન થાય એવું બને જ નહીં.

પ્રિયાને આ હોટલીંગના વ્યવસાયમાં પિતાના અગાઉથી એસ્ટાબ્લિશ્ડ થયેલો એપીજય સુરેન્દ્ર હોટલ્સ ગ્રૂપનો વ્યવસાય હતો જ જેનાથી તેમને આ વ્યવસાયે ઝંપલાવવા માટે મન દ્રઢ કરી લીધું હતું. 
 
 
તેમણે પાર્ક હોટલ્સનો વ્યવસાય તેઓ સાચવી લેશે એવા દ્રઢ ભરોસા સાથે આ વ્યવસાય ક્ષેત્રે ઝંપલાવ્યું. જેમાં આજે બુટીક હોટલ્સને જન્મ આપનાર વિશિષ્ટ વ્યક્તિ તરીકે સૌપ્રથમ પ્રિયા પૉલનો જ ચહેરો આંખ સામે ઉભો થઈ જાય છે.

આજે હોટલ ઉદ્યોગ પણ આ વાતને સ્વીકારે છે. એમાં કોઈ શંકાને સ્થાન નથી કે પિતાના વ્યવસાયે તેમને પીઠબળ પૂરું પાડ્યું અને આ ક્ષેત્રનો બહોળો અનુભવ પણ તેમાં જ મળ્યો. પોતાની અંદર કંઈક નવું કરવાની સર્જનશીલતા અને રચનાત્મક દ્રષ્ટિ પણ હોવી જરૂરી છે.

પ્રિયાનું માનવું છે કે સફળતા તો અનાયાસ રીતે આ કર્મનો એક અતૂટ ભાગ થઈ જાય છે.

Thursday, 27 December 2018

તારા કેમ ટમટમે છે ?

"આકાશમાં ઝગમગતા તારાને જોઈને તમને એવુ લાગે છે કે જાણે તેઓ સતત નથી ચમકતા. ક્ષણ ક્ષણવારે ઝબકવુ બંધ કરી દે છે. પરંતુ આવુ હોતુ નથી. તારા કાયમ સતત એક જેવા ચમકતા રહે છે. વાત એમ છે કે તારામાંથી નીકળતી રોશની આપણી આંખો સુધી પહોંચતા પહેલા વાયુમંડળમાં આવતા અવરોધોનો સામનો કરવો પડે છે.
તેથી તેમની રોશની રસ્તામાં વિચલિત થતી રહે છે, સીધી આપણા સુધી નથી પહોંચી શકતી, કારણ કે વાયુમંડળની હવાની ઘણી ચલાયમાન પરત હોય છે. આ પરત તારાની રોશનીને રસ્તામાં બદલતી રહે છે. જેના ફળસ્વરૂપ તેમની રોશની આપણી નજરથી ક્યારેક અદ્રશ્ય અને પ્રગટ થતી રહે છે. તેથી તારા ઝગમગતા દેખાય છે.

આનો આનંદ એ સમયે વધી જાય છે જ્યારે અંધારી રાતમાં સ્વચ્છ આકાશમાં હજારો, લાખો, કરોડોની સંખ્યામાં ટમટમતા ઝગમગતા તારા એક એવી અદ્દભૂત દુનિયાનું દ્રશ્ય રજૂ કરે છે જેના આરંભ કે અંતની જાણ જ થતી નથી."

🇮🇳ભારતની સીમા સાથે જોડાયેલ દેશ🇮🇳

1⃣ *પાકિસ્તાન*
👉🏻 રાજધાની--- ઈસ્લામાબાદ
👉🏻 વડા પ્રધાન--- ઈમરાન ખાન
👉🏻 રાષ્ટ્રપતિ--- મેમનૂન હુસૈન
👉🏻 ચલણ--- પાકિસ્તાની રૂપી
👉🏻 ભારત સાથે બોડઁર--- રેડકિલ્ફ લાઈન
🇮🇳🇵🇰🇮🇳🇵🇰🇮🇳🇵🇰🇮🇳🇵🇰🇮🇳🇵🇰🇮🇳

2⃣ *ચીન*
👉🏻 રાજધાની--- બેઈજિંગ
👉🏻 રાષ્ટ્રપતિ--- શી જીનપિંગ
👉🏻 ઉપરાષ્ટ્રપતિ--- વાંગ કિસાન
👉🏻 ચલણ--- રેમ્બિીની
👉🏻 ભારત સાથે બોડઁર--- મેકમોહન લાઈન
🇮🇳🇨🇳 🇮🇳🇨🇳🇮🇳🇨🇳🇮🇳🇨🇳🇮🇳🇨🇳🇮🇳

3⃣ *નેપાળ*
👉🏻 રાજધાની--- કાઠમંડુ
👉🏻 વડાપ્રધાન--- ખડગ પ્રસાદ ઓલી
👉🏻 રાષ્ટ્રપતિ--વિદ્યા દેવી ભંડારી
👉🏻 ચલણ--- નેપાલીસ રૂપી
👉🏻 ભારત સાથે બોડઁર--- ઈન્ડો-નેપાલ લાઈન
🇮🇳🇳🇵🇮🇳🇳🇵🇮🇳🇳🇵🇮🇳🇳🇵🇮🇳🇳🇵🇮🇳 

4⃣ *મ્યાનમાર*- *બમાઁ*
👉🏻 રાજધાની--- નાયીપિડા
👉🏻 રાષ્ટ્રપતિ--- વીન મીન્ટ
👉🏻 ચલણ--- ક્યાટ
👉🏻 ભારત સાથે બોડઁર--- ઈન્ડિયા-મ્યાનમાર
🇮🇳🇲🇲🇮🇳🇲🇲🇮🇳🇲🇲🇮🇳🇲🇲🇮🇳🇲🇲🇮🇳
5⃣ *બાંગ્લાદેશ*
👉🏻 રાજધાની--- ઢાંકા
👉🏻 વડા પ્રધાન--- સેખ હસિના
👉🏻 રાષ્ટ્રપતિ--- અબ્દુલ હામિદ
👉🏻 ચલણ--- ટાકા
👉🏻 ભારત સાથે બોડઁર--- ઈન્ડો-બાંગ્લાદેશ
🇮🇳🇧🇩🇮🇳🇧🇩🇮🇳🇧🇩🇮🇳🇧🇩🇮🇳🇧🇩🇮🇳

6⃣ *ભૂતાન*
👉🏻 રાજધાની--- થિમ્ફૂ
👉🏻 વડા પ્રધાન--- તેહરીંગ તોબગાય
👉🏻 કિંગ--- જીગ્મ્ ખેસર નામગ્યેલ વાંગચુક
👉🏻 ચલણ--- ન્ગુલટ્રમ અને ઈન્ડિયન રૂપી
👉🏻 ભારત સાથે બોડઁર--- ઈન્ડો- ભૂતાન
🇮🇳🇧🇹🇮🇳🇧🇹🇮🇳🇧🇹🇮🇳🇧🇹🇮🇳🇧🇹🇮🇳

  7⃣ *અફ્ઘાનિસ્તાન*
👉🏻 રાજધાની--- કાબુલ
👉🏻 રાષ્ટ્રપતિ--- અશરફ ઘાની
👉🏻 ચલણ--- અફ્ઘાની
👉🏻 ભારત સાથે બોડઁર--- દુરન્દ લાઈન
🇮🇳🇦🇫🇮🇳🇦🇫🇮🇳🇦🇫🇮🇳🇦🇫🇮🇳🇦🇫🇮🇳 

8⃣ *શ્રીલંકા*
👉🏻 રાજધાની--- કોલંબો
👉🏻 વડા પ્રધાન--- રાનીલ વિક્રમસિંહ
👉🏻 રાષ્ટ્રપતિ--- મૈત્રીપાલ શિરસેના
👉🏻 ચલણ--- શ્રીલંકા રૂપી
👉🏻 ભારત સાથે બોડઁર--- પાલ્ક સ્ટ્રેઈટ
🇮🇳🇱🇰🇮🇳🇱🇰🇮🇳🇱🇰🇮🇳🇱🇰🇮🇳🇱🇰🇮🇳