Wednesday, 27 December 2017

પુત્રીનાં નામે પ્રખ્યાત બની કાર

જર્મનીમાં વર્ષ ૧૯૦૦ની આસપાસનાં સમયમાં ડેઈમલર મોટર કંપની તો હજુ ઓટોમોબાઈલ ક્ષેત્રે હજુ આગળ વધવાનો સંઘર્ષ કરી હતી. હજુ તો દુનિયામાં ગાડીઓનાં દરવાજા ઉઘડી જ રહ્યાં હતાં ત્યારે તે વર્ષ દરમિયાન ૩૫-૩૬ કાર જ વેચી શકતી હતી. એવામાં આ નવી કંપનીનો અને રાજદ્વારી ઉદ્યોગપતિ ‘એમીલ જેલીનેક’નો ભેટો થયો. ઝડપી કારનાં આશિક એમીલને પોતાની પુત્રી પર પ્રેમ અને પુત્રીનાં નામને શુકનવંતી માનવાનાં પાગલપનને કારણે તે ડેઈમલર કંપની સામે ઓફર મુકે છે કે જો તે તમારી મોટર પર મારી પુત્રીનું નામ લખે તો તે એકલો જ એકસાથે ૩૫ કાર ખરીદી લેશે.


ડેઈમલર કંપનીને શું વાંધો હોય જો એક નામ લખવા પર આખા વર્ષનું વેચાણ એક જ સોદે થઈ જતું હોય તો. આથી ડેઈમલર કંપનીએ એમીલ જેલીનેકની શરત માન્ય રાખી અને તેમને પુત્રીનું નામ લખેલી એકસાથે ૩૬ ગાડીઓ એક સાથે વેચી આપી. જેલીનેક તો આ બધી કાર ખરીદીને વેચી પણ નાખી.  અને યુરેકા! આ કાર તો યુરોપિયન માર્કેટમાં હિટ ગઈ તેમજ આવો સોદો તેમણે ફરી પણ કર્યો. તે સમયથી માંડીને આજ સુધી તે કારનાં સિક્કા વાગી રહ્યાં છે. એમીલની આ જે લકી પુત્રીનું નામ ગાદી પર લખેલ હતું એ હતી ‘મર્સિડીઝ’! અને એ કંપની હાલની ‘મર્સિડીઝ બેન્ઝ’!

No comments:

Post a Comment