Wednesday, 5 July 2017

સંઘના યુવા પ્રચારક અધીશજી – પુણ્યતિથિ / ૫ જુલાઈ




સંઘના અખિલ ભારતીય પ્રચાર પ્રમુખ શ્રી અધીશજીનો જન્મ ૧૭ ઓગસ્ટ, ૧૯૫૫ના આગ્રામાં થયો હતો. બાળપણથી જ તેમને વાંચવાનો અને ભાષણ આપવાનો શોખ હતો. ૧૯૬૮માં તેઓ સંઘના સ્વયંસેવક બન્યા પછી શિક્ષા પૂર્ણ કરી ૧૯૭૩માં સંઘના કાર્ય માટે ઘર છોડી દીધું.

૧૯૭૫માં કટોકટી લાગવાથી તેઓ જેલ ગયા ત્યાં તેમણે ખુબ પીડા ભોગવી. કટોકટી બાદ ૧૯૮૧માં સંઘના કાર્ય માટે મેરઠ મોકલ્યા. ૧૯૯૬માં લખનૌના પ્રચાર પ્રમુખ બની ત્યાંના ‘વિશ્વ સંવાદ કેન્દ્ર’ માં કામ કર્યું. અધીશજી ખુબ પરિશ્રમી અને વક્તવ્ય આપવામાં કુશળ હોવાથી તેમને અખિલ ભારતીય પ્રચાર પ્રમુખનું કાર્ય સોંપવામાં આવ્યું. તેથી તેઓ દેશ-વિદેશમાં પ્રવાસ કરવા લાગ્યા.


અધીશજીને દિવસમાં અનેક લોકો મળવા આવતાં તેથી વારંવાર તેમને ચા પીવી પડતી. એનાથી તેમને કેંસર થયું. આ સાંભળીને બધાં ચિંતિત થઇ ગયા.વિદેશી દવા, યોગ ઉપચાર કર્યો પણ રોગ વધતો ગયો. માર્ચ ૨૦૦૭માં ડોક્ટરોએ કહ્યું કે હવે તેઓ ૨-૩ મહિના જ જીવશે. અધીશજીએ હસીને મૃત્યુ સ્વીકારી લીધું.

૪ જુલાઈ, ૨૦૦૭ના તેઓ બેહોશ થઈ ગયા. ૫ જુલાઈના સાંજે તેમની માતાએ તેમના માથા પર હાથ મૂકી કહ્યું કે, ‘બેટા, નિશ્ચિંત થઈને જા અને જલદી આવજે સંઘનું બાકીનું કાર્ય કરવા.’ આ પછી ટૂંક સમયમાં જ અધીશજીએ દેહત્યાગ કરી દીધો.

No comments:

Post a Comment