ગીઝાનો મહાન પિરામિડ

       ગીઝાનો મહાન પિરામીડ એ કેરોની નજીક ગીઝા નેક્રોપોલીસમાં આવેલા ત્રણ પિરામિડમાંનો સૌથી જુનો અને મોટો પિરામિડ છે. તેને ખુકુનો પિરામિડ કે ચેઓપ્સનો પિરામિડ પણ કહે છે. પ્રાચીન વિશ્વની અજાયબીઓમાંથી આ એક માત્ર બચેલી અજાયબી છે. એવું માનવામાં આવે છે કે આ પિરામિડ ઈજીપ્તના રાજા ખુકુના ચોથા વશંજના મકબરા તરીકે બાંધવામાં આવ્યો હતો. તેનું બાંધકામ લગભગ ૨૦ વર્ષ સુધી ચાલી ઈ.પૂ ૨૫૬૦ની આસપાસ પૂર્ણ  થયું હતું. ૩૮૦૦ વર્ષ સુધી આ મહાન પિરામિડ વિશ્વની સૌથી ઊંચી માનવ નિર્મિત ઈમારત બની રહ્યો હતો.

       મૂળ તો આ પિરામિડ ખાસ સપાટીના લીસા પત્થરોથી ઢંકાયેલો હતો. હાલમાં જે દેખાય છે તે અંદરનું માળખું છે. તેના પાયાના ભાગમાં આજે પણ આ મૂળ પત્થરો જોવા મળે છે. એવું શોધાયેલ છે કે આ પિરામિડમાં ત્રણ કક્ષ છે. ગીઝાનો પિરામિડ એ એક સંકુલની મુખ્ય ઈમારત છે, જેમાં આ ઉપરાંત ખુકુના બે સ્મારક મંદિરો, ખુકુની પત્નીઓના ત્રણ નાના પિરામિડ, બે મંદિરને જોડતી ઊંચી મર્ગિકા અને પિરામિડની આજુબાજુના ઉમરાવોના નાના મકબરાઓનો સમાવેશ થાય છે. 

Image Credits: Wikipedia

Source Credits: Wikipedia

 દરિયાનું પાણી ખારું કેમ હોય છે ?

બીબીસી પ્રસારણ ભંડોળ કઈ રીતે મેળવે છે? 

વિશ્વનો સૌથી દાનવીર વ્યક્તિ